लोकसंवाद संवाददाता | समाचार | भदौ २८, २०७७
सिन्धुपाल्चोकको बाह्रविसे नगरपालिका– ७ घुम्थाङको नागपुजेमा पहिरो जाँदा ४ जनाको मृत्यु भएको छ भने अन्य २६ जना बेपत्ता भएका छन् ।
पहिरोमा पुरिएका ४ जनाको शव फेला परेको हो । उद्धारमा खटिएका नगरप्रमुख निमफुन्जो शेर्पाले ४ जनाको शव फेला परेको जानकारी दिए ।
सो पहिरोमा परी अन्य २६ जना बेपत्ता रहेका छन्र । स्काभेटरको सहायतामा पहिरोमा पुरिएकाको खोजी कार्य जारी रहेको छ ।
उद्धारका लागि नेपाली सेना, नेपाल प्रहरी, सशस्त्र प्रहरी घटनास्थलमा पुगेको छ ।