लोकसंवाद संवाददाता | समाचार | मंसिर २४, २०७७
काठमाडौँ । सरकारले प्रेस प्रतिनिधि प्रमाणपत्र (प्रेस पास) लाई सरलीकृत गर्नका लागि पासको आवेदन लिन र नवीकरण गराउन जिल्लास्थित सबै हुलाक कार्यालयलाई अधिकार प्रत्यायोजन गरिएको जानकारी दिइएको छ ।
सञ्चार तथा सूचना प्रविधि मन्त्रालयले २०७७ मङ्सिर २४ गते एक प्रेस विज्ञप्ति जारी गरी प्रेस प्रतिनिधि प्रमाणपत्र तथा अनलाइन नवीकरणको अधिकार जिल्ला हुलाक कार्यालयमा प्रत्यायोजन गरेको जानकारी दिइएको हो ।
प्रेस पासका लागि पत्रकार दूर दराजबाट काठमाडौँ धाउनुपर्ने झन्झटिलो र खर्चिलो प्रक्रियालाई अन्त्य गर्दै सञ्चार तथा सूचना प्रविधि मन्त्रीस्तरको निर्णयबाट उक्त नयाँ व्यवस्था राहत पुग्ने अपेक्षा गरिएको छ । अधिकार प्रत्यायोजनसँगै प्रेस पास नवीकरण जिल्ला हुलाक कार्यालयबाट हुने भएको छ भने नयाँ प्रेस पाउनका लागि पत्रकारले तिनै कार्यालयमा आवेदन दिन सक्नेछन् । त्यस्ता आवेदनलाई अनलाइन प्रक्रियाबाट सूचना तथा प्रसारण विभागले स्वीकृति दिएपछि प्रेस पास वितरण जिल्ला स्तरबाटै हुनेछ ।
सञ्चार तथा सूचना प्रविधि मन्त्रालयद्वारा जारी प्रेस विज्ञप्ति
