लोकसंवाद संवाददाता | कारोबार | माघ ०८, २०७७
काठमाडौँ । स्थानीय बजारमा पहेँलो धातुको मूल्यमा आज पनि वृद्धि भएको छ । नेपाल सुन चाँदी व्यवसायी महासङ्घले आजका लागि तोकेको मूल्यअनुसार छापावाल सुन तोलामा नै ६०० ले उकालो लागेको छ ।
प्रतितोला ९२ हजार ५०० मा बुधबार कारोवार भएको छापावाल सुन आज भने ९३ हजार १०० मा कारोवार हुने गरी मूल्य निर्धारण भएको छ ।
यस्तै तेजाबी सुन प्रतितोला ९२ हजार ६०० मा कारोवार भएको छ । तेजाबी सुन बुधबार तोलामा ९२ हजारमा कारोवार भएको थियो । यस्तै चाँदी तोलामा १५ ले बढेको छ । एक हजार २६० मा बुधबार कारोवार भएको चाँदी आज भने एक हजार २७५ मूल्य निर्धारण भएको छ ।