लोकसंवाद संवाददाता | समाचार | फागुन २८, २०७७
कास्की । कास्की जिल्लाको रुपा गाउँपालिकाले विभिन्न विधामा उल्लेखनीय योगदान पुर्याउने १३ स्रष्टालाई रुपा रत्नले सम्मान गरेको छ । ऊर्जा, जलस्रोत तथा सिँचाइमन्त्री टोपबहादुर रायमाझीले स्थानीय तह स्थापना दिवसका अवसरमा गाउँपालिकाको केन्द्र भिरकोटमा आयोजित कार्यक्रममा स्रष्टाहरूलाई नगदसहित दोसल्ला र सम्मानपत्रले सम्मान गर्नुभएको हो ।
रुपा गाउँपालिकामा जन्म भएका साहित्यकार तथा लेखक हरिहर खनाल, अमर न्यौपाने, रामबाबु सुवेदी, बद्रीविनोद खनाल ९प्रतीक०, सूर्य खड्का विखर्ची, अभिनय तथा निर्देशक क्रियाशील रङ्गकर्मी मालोत्से गुरुङ, बक्सिङ खेलाडी चन्द्रबहादुर गुरुङ, तेक्वान्दो खेलाडी रमिला टी खत्री, कराँतेतर्पm सुवास खड्का, यु–१९ क्रिकेट खेलाडी सुनिल रानामगर, फुटबलतर्पm दिपेश आले र वैज्ञानिक अनुसन्धानको क्षेत्रमा योगदान पुर्याउनुहुने रदिवल्ला मियाँलाई सम्मान गरिएको हो ।
सो अवसरमा मन्त्री रायमाझीले विविधतामा एकता भएको हाम्रो समाजमा विविध क्षेत्रमा स्रष्टाको उल्लेखनीय योगदान रहेको बताउनुभयो । समाजलाई विभिन्न क्षेत्रबाट योगदान गर्न सकिने बताउँदै उहाँले मुलुकको विकास निर्माणमा आ–आप्mनो क्षेत्रबाट लाग्नुपर्नेमा जोड दिनुभयो ।
गाउँपालिकाका अध्यक्ष नवराज ओझाले गाउँपालिकाले समाजका विविध पक्षमा अतुलनीय योगदान गर्नेहरुको सम्मान गरेको बताउँदै रुपामा जन्म भई हरेक क्षेत्रमा योगदान गरेका व्यक्तिलाई आगामी दिनमा पनि उच्च मूल्याङ्कन गरिने जानकारी दिनुभयो ।