लोकसंवाद संवाददाता | विदेश | जेठ १७, २०७८
काठमाडौं । विश्वमा कोरोना भाइरस संक्रमणबाट एकैदिन ८ हजार एक सय १४ जनाको मृत्यु भएको छ । पछिल्लो २४ घण्टामा विश्वभरमा कोरोना संक्रमणबाट ८ हजार ११४ को मृत्यु भएको हो । त्यस्तै, विगत २४ घण्टामा विश्वभर ३ लाख ९१ हजार २४४ मा कोरोना संक्रमण पुष्टि भएको विश्व स्वास्थ्य संगठनले जानकारी दिएको छ । केही दिनदेखि विश्वभर कोरोना संक्रमण क्रमिक रूपमा घटिरहेको विश्व स्वास्थ्य संगठनको अपडेटले देखाइरहेको छ ।
त्यस्तै, संक्रमणबाट मृत्यु हुनेको संख्या पनि घटिरहेको छ ।विश्व स्वास्थ्य संगठनको तथ्यांक अनुसार हालसम्म १७ करोड १० लाख ९ हजार ५६२ मा कोरोना संक्रमण भएको छ । त्यस्तै, १५ करोड ३२ लाख ८२ हजार ३३२ जना कोरोना संक्रमणबाट मुक्त भएका छन्। विश्वभर एकैदिन ५ लाखभन्दा बढी कोरोना संक्रमणमुक्त भएका छन् ।
सोमवार बिहानसम्म विश्व स्वास्थ्य संगठनले दिएको तत्थ्यांक अनुसार मृत्यु हुनेको संख्या ३५ लाख ५६ हजार ३१४ जनाको कोरोना संक्रमणबाट ज्यान गइसकेको छ । नेपालमा हालसम्म कोरोना संक्रमणबाट ७ हजार २७२ जनाको ज्यान गएको छ । १ लाख ८ हजार ८९७ सक्रिय संक्रमित रहेका छन् भने ५ लाख ५७ हजार १२४ जनामा संक्रमण भइसकेको छ ।
त्यस्तै, ४ लाख ४० हजार ९५५ जना संक्रमित निको भइसकेका छन् ।