लोकसंवाद संवाददाता | खेलकुद | असार २६, २०७८
काठमाडौं । साविक विजेता नोभाक जोकोभिच विम्बल्डन टेनिसको फाइनलमा प्रवेश गरेका छन् ।
लण्डनमा जारी विम्बल्डनमा जोकोभिचले क्यानडाका डेनिस शापोभालोभलाई पराजित गर्दै फाइनलमा स्थान पक्का गरेका हुन् । विश्व वरियतामा शिर्ष स्थानमा रहेका जोकोभिचले डेनिसलाई ७-६ (७-३),७-५ र ७-५ को सेटमा पराजित गर्न सफल भए । पाँच पटकको च्याम्पियन जोकोभिचको यो सातौं पटक विम्बल्डनको फाइनल यात्रा हो ।
जोकोभिचले अब उपाधिका लागि इटालीका सातौं वरीयताका माटियो बेरेटिनीसँग खेल्ने छन् ।