एजेन्सी | खेलकुद | भदौ ०३, २०७८
इंग्लिस प्रिमियर लिगको उत्तर पश्चिम लण्डन डर्बीलाई २ महारथी क्बलहरूको बीचको प्रतिस्पर्धाको रूपमा हेरिन्छ । इमिरेट्स मैदानमा आइतबार यस सिजनको उत्तर पश्चिम लण्डन डर्बीमा २ टोली पहिलो पटक आमने सामने हुँदै छन् ।
दुवै क्लबले प्रिमियर लिगमा एक-एक खेल खेल्दै अन्तिम साता आफ्नो अभियान सुरु गरिसकेका छन् । आफ्नो उडान सुरु गर्ने क्रममा चेल्सीले क्रिष्टल प्यालेसविरुद्ध ३-० को जीत हात पारिसकेको छ ।
माइकल अर्टेटाको आर्सनलले आश्चर्यजनक रूपमा खराब नतिजा भोग्नुपर्यो । आर्सनल नवप्रवेशी क्लब ब्रेन्टफोर्ड सिटीसँग २-० गोल अन्तरले स्तब्ध रह्यो । यता, ब्रेन्टफोर्ट सिटी भने ७४ वर्षपछि टप फाइटमा उत्रिएको थियो ।
पहिलो खेलमै ठोस सुरुवात गरेको चेल्सीले यात्रा अगाडि बढाउन नयाँ सम्झौता गरेको छ । त्यो हो- पूर्वखेलाडी रोमेलु लुकाकु । पुरानो क्लब फर्कँदा अट्याकर लुकाकुले क्लबको रेकर्डमा नाम नै लेखाए । उनी ९७.५ पाउण्डमा स्टामफोर्ड ब्रिज पुगेका हुन् । लुकाकु आइतबारको खेलको हिस्सासमेत बन्न सक्छन् ।
आर्सनलविरुद्ध चेल्सी, प्रिमियर लिगको लागि ‘ब्लक बस्टर’ तालिका हो । यी २ को भिडन्तमा सधैँ ‘हाई स्कोर’ निस्कने गर्छ ।
डिडियर ड्रोग्वा उत्तर पश्चिम लण्डनका सबैभन्दा घातक फिनिसर हुन् । उनले १५ डर्बी क्यापमा १३ गोल गरेका छन् । यी पूर्वआइभरी कोष्टका अन्तर्राष्ट्रिय खेलाडीलाई आर्सनलका लिजेण्ड तथा सदाबहार सर्वाधिक गोलकर्ता थेयरी हेन्रीले पछ्याएका छन् ।
उत्तर पश्चिम लण्डनको खेलमा २० क्याप जितेका हेन्रीले १० गोल गरेका छन् । फ्रान्सका अन्तर्राष्ट्रिय स्टार हेन्री आर्सनलमा सन् १९९९ देखि २००७ सम्म रहे ।
लान राइट लण्डन डर्बीमा सर्वाधिक गोल गर्नेमा तेस्रो नम्बरमा पर्छन् । आर्सनलका यी खेलाडीले १६ क्याप जित्दा ९ गोल गरेका थिए । इंग्लाण्डका पूर्व अन्तर्राष्ट्रिय खेलाडी लानले आर्सनलबाट सन् १९९१ देखि १९९८ सम्म खेले ।
पूर्व चेल्सी स्टार खेलाडी इडेन हाजार्ड पनि अन्तिम ५ मा रहन्छन् । हाल स्पेनिस पावर हाउस रियल म्याड्रिडमा रहेका हाजार्डले १९ क्याप जित्दै ५ गोल गरेका छन् । हाजार्डले चेल्सीमा ७ वर्ष खेले ।
उत्तर पश्चिम लण्डन डर्बीमा सर्वाधिक पाँचौँ गोल गर्ने अन्तिम खेलाडी हुन् थियो वाल्कोट । उनले २५ क्याप जित्दा ५ गोल गरेका छन् । सन् २००६ देखि २०१८ सम्म इंग्ल्याण्ड अन्तर्राष्ट्रिय खेलाडी वाल्कोट लण्डन रहे ।
उत्तर पश्चिम लण्डन डर्बीका सर्वाधिक ५ गोलकर्ता :
१ डिडियर ड्रोग्वा - चेल्सी (क्लब) - १३ (गोल) - १५ (खेल)
२ थियरी हेन्री - आर्सनल - १० (गोल) - २० (खेल)
३ लान राइट - आर्सनल - ९ (गोल) - १६ (खेल)
४ इडेन हाजार्ड - चेल्सी - ७ (गोल) - १९ (खेल)
५ थियो वाल्कोट - आर्सनल - ६ (गोल) - २५ (खेल)