लोकसंवाद संवाददाता | कारोबार | मंसिर २१, २०७८
डिडिएच सेवा दिदै आएको डिशहोमले ललितपुरको डुकुछापमा स्याटलाइट टेलिफोन स्थापना गरेको छ । छ्यासीकोट स्थित टेलिपोर्टबाट आफ्नो सेवा दिदै आएको डिशहोमले वैकल्पिक प्रयोजनका लागि आफ्नो दोस्रो स्याटलाइट टेलिपोर्ट स्थापना गरेको जनाएको छ ।
अव कुनै पनि प्राविधिक अथवा प्रकृतिक अवरोध आएमा आफ्नो सेवा अवरुद्ध नहोस् भन्नको लागि दोस्रो स्याटलाइट टेलिपोर्ट स्थापना गरेको बताएको छ । छ्यासीकोटमा रहेको डिशहोेमको स्टेशन मार्फत फाईवर केवलको माध्यम मार्फत डुकुछापमा स्थापना भएको स्याटलाइट टेलिपोर्ट सम्म पुर्याई डिशहोमका सम्पुर्ण टेलिभिजनका सिग्नल स्याटेलाईटमा अपलिंक गरि प्रशारण गर्ने क्षमता राख्ने समेत डिशहोमले जनाएको छ ।