लोकसंवाद संवाददाता | कारोबार | माघ २५, २०७८
मंगलबार नेपाली बजारमा सुनकाे मूल्य ताेलामा ५०० रुपैयाँले बढेको छ ।
नेपाल सुन-चाँदी व्यवसायी महासंघका अनुसार आज छापावाल सुनको भाउ तोलाको ९३ हजार १०० रुपैयाँ कायम भएको छ । सोमबार तोलाको ९२ हजार ६०० रुपैयाँमा कारोबार भएको थियो ।
यसैगरी मंगलबार तेजावी सुनको भाउ तोलाको ९२ हजार ६०० रुपैयाँ निर्धारण भएको छ ।
चाँदीको मूल्य तोलामा ५ रुपैयाँले बढेको छ । सोमबार १ हजार २५५ रुपैयाँमा कारोबार भएको चाँदी मंगलबार प्रतितोलामा १ हजार २६० रुपैयाँ निर्धारण भएको छ ।