लोकसंवाद संवाददाता | कारोबार | फागुन २२, २०७८
सुनको भाउ साताकाे पहिलाे दिन आइतबार प्रतितोलामा २ हजार रुपैयाँले बढेकाे छ । नेपाल सुन-चाँदी व्यवसायी महासंघका अनुसार आइतबार छापावाल सुनको भाउ तोलामा २ हजार रुपैयाँले बढेर १ लाख १ हजार ९०० रुपैयाँमा काराेबार भइरहेकाे छ ।
यसअघि गत साताकाे अन्तिम दिन शुक्रबार छापावाल सुन तोलाको ९९ हजार ९०० रुपैयाँमा कारोबार भएको थियो ।
यसैगरी आइतबार तेजावी सुनको भाउ तोलाको १ लाख १ हजार ४०० रुपैयाँ कायम गरिएकाे महासंघले जनाएकाे छ ।
चाँदीको मूल्य पनि प्रतितोलामा ३५ रुपैयाँका दरले बढेको छ । शुक्रबार १ हजार ३८० रुपैयाँमा कारोबार भएको चाँदी आइतबार १ हजार ४१५ रुपैयाँमा काराेबार भइरहेकाे छ ।