लोकसंवाद संवाददाता | समाचार | भदौ २९, २०७९
काठमाडौँ । नेकपा एकीकृत समाजवादी केन्द्रीय प्रचार विभाग प्रमुख जगन्नाथ खतिवडाले एक प्रेस विज्ञप्ति प्रकाशित गरी भक्तपुर जिल्ला कमिटीका अध्यक्ष श्याम बस्नेतको घरमा आक्रमण गरेको घटना अत्यन्त खेद व्यक्त गर्नु भएको छ ।
विज्ञप्तिका ०७९ भदौ २५ गते राति ३ बजे हतियारधारी समूहले अध्यक्ष बस्नेतलाई ज्यानमार्ने उद्देश्यका साथ घरको मूल ढोका र च्यानल गेट समेत तोडफोड गरी घरभित्र प्रवेश गरेका थिए । हतियारधारी आक्रमणकारीले अध्यक्ष बस्नेतलाई घरमा नभेटेपछि श्रीमती र छोरालाई आक्रमण गरेको घटनाका आक्रमणकारीलाई अझै पनि कारवाहीको दायरमा ल्याउन नसकेको घटना प्रति हाम्रो गम्भिर ध्यानाकर्षण भएको जनाइएको छ ।
विज्ञप्तिमा घटनाको छानविन गरि हतियारधारीलाई तत्काल पक्राउ गर्न र कारबाहीको दायरामा ल्याउन गृह प्रशासन समक्ष जोडदार माग गरिएको छ ।
