रिकेश बिश्वकर्मा(क्षितिज) | समाचार | असोज ०४, २०७९
सिन्धुपाल्चोक । सिन्धुपाल्चोक जिल्ला चौतारा साँगाचोकगढी १० हर्रे कि ३१ बर्षीय करुणा तमाङलाई राती ११:३० बजे घरमा आइ छुरी प्रहार गरि लुटपाट गरी एक युवा फरार भएको परिवारले जनाएको छ ।
करुणाका भाइ सनिश तमाङको अनुसार सुतिरहेको बेला लुटपाट गर्नको लागि चोरले बाहिर रहेको मिटर अफ गरेर एक्कासी छुरी प्रहार गरेको र दिदीको छोरालाई पनि निर्घात कुटपिट गरेको बताउछन्। त्यसपछि चिच्याउँदा फरार रहेको बताए ।
चोरले एउटा मोबाइल सेट लगेको छ भने चोरको चप्पल त्यही छोडेर भागेको छ उक्त चप्पल महिलाको घरभन्दा ५०० मिटर नजिकको हिरामान तमाङ (माइला) भनिनेको हो र अहिले माइला फरार रहेको बताए।
पीडितलाई भने घटना हुनु लगत्तै धुलिखेल अस्पतालमा लगिएको र अहिले सम्म बोल्न नसकिरहेको बताइएको छ उनले भोलि प्रहरी चौकी र अपराध महाशाखा गइ जाहेरी दिने बताए। घरमा दिदी र भान्जा मात्र रहेको र भिनाजु बिदेश भएको कारण मारेर लुटपाट गर्न खोजेको उनले बताए।