लोकसंवाद संवाददाता | समाचार | असोज ०४, २०७९
अछाम । मंगलबार सुदूरपश्चिम अछाममा जिल्लाको कमल बजार नगरपालिको वडा न। ६ को बुदेखोलामा एक जनाको शव मृत अवस्थामा फेला परेको छ ।
जिल्ला प्रहरी कार्यालय अछामले दिएको जानकारी अनुसार कमलवजार नगरपालिका वडा नं.–६ बीरपथ किम्तोलाका ४९ वर्षीय जगत शाही ‘मिलन’ भनिने दीप्तप्रकाश शाहीको शव सोही वडाको स्थानीय बुँदे खोलामा फेला परेको हो ।
शाहीका परिवारिक श्रोतका अनुसार उनी मंगलवार विहान करिव ५ वजे स्थानीय गैरीटाँड बजार जान भनेर घरबाट निस्किएका थिए ।
शाहीको शव उनको घरदेखि करिव ३ शय मिटर पर बुँदेखोलामा विहान साढे ११ बजे भेट्टिएको हो ।
शाही जनमुक्ति सेनामा पूर्व कमाण्डर समेत हुन् । घटनाका सम्बन्धमा अनुसन्धान भइरहेको प्रहरीले जनाएको छ ।