लोकसंवाद संवाददाता | साहित्य | चैत २९, २०७९
काठमाडौँ । नेपाल प्रज्ञा-प्रतिष्ठानका निवर्तमान सदस्यसचिव, साहित्यकार तथा प्राध्यापक जगत् प्रसाद उपाध्याय ‘प्रेक्षित’को निवन्ध संग्रह ‘समय र जीवन’ को एक समारोह बिच लोकार्पण तथा विमर्श कार्यक्रमको आयोजना गरिएको छ ।
काठमाडौँको पुतलीसडक स्थित पद्मोदय माध्यमिक विद्यालयको सभाकक्षमा मध्यपश्चिमाञ्चल साहित्य परिषद्, काठमाडौंद्वारा आयोजित प्रमुख अतिथिका रूपमा नेपाल प्रज्ञा-प्रतिष्ठानका पूर्व कुलपति तथा मुन्धुम विद् वैरागी काइँला, नेपाल प्रज्ञा-प्रतिष्ठानका पूर्व कुलपति, वरिष्ठ साहित्यकार तथा भाषाविद् गङ्गाप्रसाद उप्रेती, नेपाल संस्कृत विश्वविद्यालयका पूर्व उपकुलपति, वरिष्ठ दर्शन शास्त्री तथा साहित्यकार प्रा. शिवहरि मरहट्टाले र नेपाल प्रज्ञा-प्रतिष्ठानका पूर्व उपकुलपति तथा वरिष्ठ संस्कृतिविद् डा. जगमान गुरुङले संयुक्त रुपमा निवन्ध संग्रह ‘समय र जीवन’ को लोकार्पण गर्नु भएको थियो ।
मध्यपश्चिमाञ्चल साहित्य परिषद्, काठमाडौंकी सल्लाहकार तथा भाषा आयोगका माननीय सदस्य उषा हमाल अध्यक्षतामा सम्पन्न कार्यक्रममा लोकार्पित कृतिमाथि समालोचक द्वय सहप्राध्यापक डा. नारायण चालिसे र उपप्राध्यापक डा. बिन्दु शर्माले विमर्श गर्नु भएको थियो ।
कार्यक्रममा नेपाल प्रज्ञा-प्रतिष्ठानको प्राज्ञ परिषद्का पूर्व कार्याधिकारीहरू र वर्तमान पदाधिकारी तथा मध्यपश्चिमाञ्चल साहित्य परिषद्का पूर्व अध्यक्ष डा. मधुसूदन गिरी, भाषा आयोगका सदस्यहरू, विभिन्न सङ्घसंस्थाका प्रमुखहरू, पूर्व प्रमुखहरू, लेखक र साहित्यकार हरू, कानुन, शिक्षा, प्रशासन, पत्रकारितालगायतका क्षेत्रका महानुभावहरूको सहभागिता रहेको थियो । कार्यक्रमको सञ्चालन रवीन्द्र सुवेदीले गर्नु भएको थियो ।