लोकसंवाद संवाददाता | समाचार | मंसिर २५, २०८०
अमेरिका । 'सांस्कृतिक सत्ता र समता' का लागि भन्ने अभियानका क्रममा नेपाल प्रज्ञा-प्रतिष्ठानका कुलपति तथा प्रसिद्ध कवि भूपाल राईको एकल कविता वाचन कार्यक्रमको तेस्रो श्रृङ्खला युएसएको नर्थ क्यारोलाइनामा सम्पन्न भएको समाचार छ ।
यस क्रममा कुलपति राईले ९ वटा कविता वाचन गर्नुहुँदै आफू अमेरिकी नेपाली समाज र संस्कृतिको अध्ययन गर्न आएको बताउनु भएको थियोे ।यस अघि चितवनबाट सुरु भएको राईको कविता वाचनको श्रृङ्खला युएसएकै अर्को राज्य बोस्टनमा दोस्रोपटक आयोजना गरिएको थियोे ।
उक्त कार्यक्रम अन्तर्राष्ट्रिय नेपाली साहित्य समाज नर्थ क्यारोलाइना च्याप्टर ,नर्थ क्यारोलाइना नेपाली साहित्य समाज र नेपाल सेन्टर अफ नर्थ क्यारोलाइनाको संयुक्त आयोजना गरेको समेत प्राप्त समाचारमा उल्लेख छ ।