लोकसंवाद संवाददाता | साहित्य | जेठ १७, २०८१
मेरो देशमा –
यसबेला एम.सी.सी.को चकचकी, चलेको छ ।
झन्–झन् उदण्डका साथ आइरहेको छ ।
युद्धका नगराहरु झन्–झन् बज्दैछन् ।
वख्तरवन्द युद्धपोतहरु
पहाडका कान्लाभरि देखिएका छन् ।
बुद्धको यो पावन भूमिमा
सीताको यो जन्मभूमिमा
भृकुटीको यो माइतीमा
अमेरिकालाई मेरो देशको अथाह भण्डार
युरेनियमको ऐश्वर्यता ।
चकाचौधले भरिएको
अर्थको उच्चतम ऐश्वर्यता
मैले सुनेको छु
३ करोड नेपालीलाई ५०० वर्ष सुतेर खाने वैभवता
अमेरिकाले लुटिरहेको छ ।
प्रचण्ड सरकार लुट्न छुट दिइरहेको छ ।
एमालेका, काँग्रेसका, माओवादीका
विभिन्न कलेवरमा देखिएका लेण्डुपेहरुलाई
नाथे करोड र अरब चटाएर
देशद्रोही संसदका हर्कतहरु
झन्–झन् प्रष्ट देखिएका छन् ।
लुट खसौटमा पार्टीहरुको गठजोड
अमेरिकी लालीपपमा
देशद्रोही पार्टीहरुको ऐक्यवद्धतामा
एम.सी.सी. पास भएको थियो ।
एमाले, काँग्रेस, माओवादी
भारतीय खोल ओढेका
सीमापारिका नुन र चूक खाएकाहरु
जसरी–जसरी महाकाली सन्धि पास भयो ।
ती झिल्के पुनरावृत्ति एम.सी.सी.मा देखियो ।
मेरो मुलुक बुद्धको पावनभूमि
पृथ्वीनारायण शाहको एकीकरण
खुकुरीको उद्घोषमा
मेरो महान देश उभिएको थियो ।
शत्रुहरु छिचोलेर मुलुक अघि बढेको थियो ।
प्रिय देशभक्त राजा वीरेन्द्र !
तिम्रो समूल परिवारको नष्ट भएको छ ।
तिमी सैनिक घेरामा मारिएका छौ ।
प्रधान सेनापति !
तिमी यसबेला अमेरिका बसेका छौ ।
अब म निसंकोच भएर भन्न सक्छु
तिमीलाई आश्रय स्थल अमेरिकाले दिएको छ ।
यसबेला संसदमा भारतीय गुमस्ताहरुको
हाली मुहाली उग्र रुपमा बढिरहेको छ ।
मेरो देशका सांसदमा
भारतीय लेण्डुपेहरुको गठजोड
झन्–झन् बाक्लिदै छ ।
सिक्किमको नियति भोग्ने समय चव्रmमा पुगेको छ ।
यसबेला नेपाली काँग्रेस
यसबेला नेकापा एमाले
यसबेला एमाओवादीहरु
झिन मसिना पार्टीहरु
यी सबै इण्डो अमेरिकी साँठगाँठमा छन् ।
प्रमाणको प्रारुप प्रचण्डको पार्टी हेरे हुन्छ ।
मेरो देशको आर्थिक समृद्धिको वैभवता,
प्राकृतिकले हामीलाई दिएको वैभवता,
मुस्ताङमा प्राकृतिक वैभवता,
युरेनियम
हो युरेनियम नै हो ।
भारत र चीन माझको
यो सेन्डवीच देश
मेरो देशको महानता उजिल्याउँछ
पञ्चायती व्यवस्थाको उद्घोषमा
सयकडौँ कलकारखानाले देश वैभव हुँदै थियो ।
राजा महेन्द्रको देशभक्तिमा
देश गौरवशाली हुँदै थियो ।
देश माथि–माथि अक्कासिदै थियो ।
हामी जस्ता कखरा पढेका
आफूमा कम्युनिष्ट रोपेर
पञ्चायती व्यवस्था विरुद्ध
हामी समय–समयमा कारागारहरुमा
भित्रिने र बाहिरिने गर्दै थियौँ ।
म यसबेला
आफूले आफैँलाई धिक्कार्दै छु ।
देशप्रति घात माथि घात रोप्दै थियौँ ।
महेन्द्रको देशभक्ति माथि हुङ्कार गर्दै थियौँ ।
आफू माथि घात माथि घात रोप्दै थियौँ ।
म यसबेला सचेत भएको छु ।
म आत्मआलोचना गर्दै भन्छु
म मरेर मेरो देशको राजा महेन्द्र
तिमी बाँच्नु पथ्र्यो
म मरेर भए पनि
शान्तिक्षेत्रका प्रवर्तक राजा वीरेन्द्र
तिमी बाँच्नु पथ्र्यो ।
मुस्ताङको युरेनियम
हाम्रो समृद्धिको धरोहर हो ।
हाम्रा महान जनताको ऐश्वर्यता
युरेनियम हो युरेनियम
अमेरिका यसबेला
पार्टीहरुका लेण्डुपेहरुलाई
करोडौँ र अरबौँको कुत्तेका चारा बाँडेर
मेरो महान देशको लुट खसौट गरिरहेको छ ।
हामी टुलुटुलु हेरिरहेका छौँ ।
हाम्रो ऐश्वर्य र समृद्धिलाई
लुट खसौट हुन दिइरहेका छौ ।
यसबेला –
मुस्ताङका छेउ किनारमा
बग्रेल्ती युद्धपोतले सजिएका छन् ।
युरेनियमको लुट खसौटमा
अमेरिका यसबेला अग्रगामी छलाङ लगाइरहेको छ ।
मेरो देशको अहम्ता
मेरो देशको शान सौकात
मेरो देशको ऐश्वर्यता
हामीलाई युद्धपोत तेर्साएर
हाम्रो समृद्धि र वैभवता डकैती शैलीको
दुःसाहस माथि दुःसाहस गरिरहेको छ ।
पार्टीका झोलेहरु
तिम्रा पापहरु मेटाउन
देशको समृद्धिको लागि पार्टी छोडेर
हाम्रो देशको ऐश्वर्यता फर्काउ
आउ हातेमालो गरेर
अमेरिकी लुटपाट बाट देश जोगाउँ ।
१३ जेष्ठ २०८१
तरहरा, इटहरी