लोकसंवाद संवाददाता | समाचार | साउन २५, २०८१
काठमाडौँ । खोटाङ-हलेसी सेवा समाज काठमाडौंले आज साउन २५ गते शुक्रबारका दिन काठमाडौँस्थित आराध्यदेव पशुपतिनाथ मन्दिरको प्राङ्गणमा 'सन्ध्याकालीन आरती' कार्यक्रम सम्पन्न गरेको समाजले जनाएको छ ।
खोटाङ-हलेसी सेवा समाज कार्यसमिति काठमाडौंकी अध्यक्ष इन्दा थापाले दिएको जानकारी अनुसार समाजको पूर्व निर्धारित कार्यक्रम अनुसार नै 'सन्ध्याकालीन आरती' पशुपतिनाथ मन्दिरको प्राङ्गणमा सम्पन्न गरिएको हो ।
समाजले खोटाङ जिल्लाबासीहरुविभिन्न घटनाहरुमा दैवीप्रकोप, कालगतिले एवं अकालमा मृत्युवरण गर्नु भएका पितृहरूको चीर शान्ति एवं बैकुण्ठ बासको कामना गर्नुका साथै समग्र जिल्ला बासीहरूमा सुख-शान्ति तथा समृद्धिको कामना गर्ने उद्देश्यले 'सन्ध्याकालीन आरती' कार्यक्रमको आयोजना गरिएकाे अध्यक्ष थापाले जानकारी दिनुभएको छ ।