ऋतु आशिक | साहित्य | असोज १९, २०८१
मेरो देशको अथाह, वैभव सम्पत्तिको मुहान
मुस्ताङमा प्रज्वलित पल्लवित युरेनियम
नेपाली जनताको ऐश्वर्यको बिहानी
छलाछुल्ल र झलमल हुँदै थियो ।
अमेरिकालाई खपिनसक्नुको आरिस
औडाहाको पीडाले भत्भति पोल्दै थियो ।
काँग्रेसलाई
माओवादीलाई
एमालेसहित चाटुकार दलालका फौजहरू
यी सबै कतिलाई करोडमा
कतिलाई अरब र खरबमा
क्रय विक्रयको लिलामीका
सम्भ्रान्त अमेरिकाको लेपन ओढेर
मेरो देशको अथाह सम्पत्ति
मेरो देशको सौन्दर्य
हाम्रा पुर्खाहरूले आर्जेको वैभवमाथि
राति राति चिलगाडीमा आउँदै ओसार्दैछ ।
हाम्रो भागको ऐश्वर्य र वैभवतालाई
डकैती शैलीमा युरेनियम लगिरहेको छ ।
प्रधानमन्त्रीको भेषभूषमा सजिएर
केपी का यसपाला
अमेरिकामा देशद्रोही अभिषेक भएका छन्
यस्तै–यस्तै स्वरहरू
ठामका ठाम स्वरहरू
अमेरिकामै प्रस्फुटन भएका छन् ।
चौतिर स्वरहरू मडारियो
केपी ओली भागेछ
अमेरिका आएर देश माथि घात बोल्दैछ ।
स्याबासी खान र थाप्न पल्केका
नेपाली लेण्डुपेहरू
देशभक्ति नेपालीहरूको कम्पनले
ओलीको सातो गएको छ ।
एम.सी.सी.को घात प्रतिघातको बर्को ओढेर
देश र देशबासी माथि तिम्रो प्रहार
अमेरिकामा ठोक्किएको छ ।
अमेरिकी सरकारमाथि
अमेरिकैबाट देशप्रति घात प्रतिघातका
खलनायकहरू विरुद्ध
आवाज घन्किएको छ ।
विद्युत माफियासँगको मितेरी
शेख हसिनातिर परिलक्षित हुँदैछ ।
एमसीसी.माथि ओथारो बस्ने स्वप्न
भताभुङ्ग भएर लडिबुडिदै छ ।
मुस्ताङ माथिको घात
नेपाली जनता माथिको घात
अमेरिकी सरकारको
मेरो देशमाथिको घात
ओलीको देश घातलाई थाम्न सकेन ।
अमेरिकामै ओलीका विरुद्ध
काला झण्डाहरू फर फराई रहेका छन्
प्रधानमन्त्री ओली मुर्दावादका नाराहरू
अमेरिकी आकाशमा गुञ्जमान भएका छन् ।
अमेरिका !
तिम्रा अठपरिया प्रधानमन्त्री ओलीका हरकत
जनताले धुजा–धुजा बनाएका छन् ।
मुस्ताङ अथाह सम्पत्ति युरेनियम
तिम्रो डकैती बन्द गर
मेरो देशको वैभवता
मेरो देशको ऐश्वर्यता
अन्तर्राष्ट्रिय अदालत जानेछौ ।
तिम्रो घृणित अनुहार प्रष्टिने भएको छ ।
तिम्रा धुन्धुकारि हरकतहरू
कतै ओलीको भेषमा
कतै देउवाको भेषमा
कतै प्रचण्डको भेषमा
कतै देशबाट ओली सभा विहीन भएको छ ।
तीमै देशमा
देश घाती ओलीको विरोध भएको छ ।
जनता हो !
घृणित देशद्रोही कार्य परास्त हुनुपर्छ ।
तिम्रा मनमा ढ्याङ्ग्रो बज्यो होला ?
हाम्रो वैभवता फर्काइ देऊ ।
देशमाथि घात प्रतिघात बन्द गर ।
मुस्ताङ माथिको लुटपाट बन्द गर ।
युरेनियम हाम्रो वैभवता
देश माथिको लुटपाट बन्द गर ।
इटहरी तरहरा