लोकसंवाद संवाददाता | विदेश | भदौ ०५, २०७६
काठमाडौं, एजेन्सी । अमेरिकाको भर्जिनियाका घर बाहिर एकजना मानिसले पुरानो टिभि राख्दै हिंडिरहेका छन् ।
यी मानिस आधा रातमा आउँछन् र टिभि राखेर जाने गरेका छन् । आफ्नो परिचय लुकाउनका लागि यी मानिस आफ्नो टाउकोमा टिभि जस्तो मुकुण्डो लगाउने गरेका छन् ।
१० अगस्टको राती यी मानिसले करीब ५० घरको बाहिर पुरानो टिभि छोडेर हिंडे ।
हुनत् उनको यो कामले कसैलाई नोक्सानी त पुगेको छैन् तर यसले मानिसलाई हैरानी भने बनाएको छ ।
स्थानीय निवासी जेम्स साइमनका अनुसार, यो विचित्र कुरो हो तर यसले कसैलाई नोक्सान पुर्याएको छैन् ।
पुलिसका अनुसार, यो इलाकामा केही मानिसले टिभि राखेका होलान ।
यो असामान्य घटना हो तर यसका कारण कसैलाई नोक्सानी पुर्याएको छैन् ।
स्थानीय समाचारको रिपोर्टका अनुसार २०१८ मा पनि यस प्रकारका घटना भएका थिए ।
उक्त घटनामा पनि २० भन्दा बढी भिंटेज टिभि घर अगाडीको बार्दलीमा राखिएको थियो ।