लोकसंवाद संवाददाता | विदेश | भदौ २३, २०७६
काठमाडौं, एजेन्सी । पोल्याण्डको बाम्बले घोडालाई संसारको सबैभन्दा सानो घोडाको रुपमा पहिचान गरिएकाे छ ।
गिनीज बुक अफ वर्ल्ड रेकर्डमा संसारको सबैभन्दा सानो घोडाको रुपमा यसको दर्ता ४ सेप्टेम्बरमा भएपछि यसले आधिकारिक मान्यता पाएको हो ।
यो घोड़ा पोल्याण्डको मिनिएचर अप्पालूसाको हो । यसको उचाई केवल ५६. ७ सेमी छ ।
यो सानो बाम्बले घोडा कासकडाको फार्म हाउसमा अन्य ठूला घोडाहरुसँगै बस्ने गर्छ ।
बाम्बलेका मालिक पेट्रीक तथा केटरजाइनाले सन् २०१४ मा यो केवल दुई महिनाको हुँदा देखेका थिए ।
त्यसबेला उनीहरुलाई लागेको थियो यसलाई केही कुनै रोग लागेको होला ।
तर, पछि उनीहरुलाई यो घोडा बढिरहेको छैन भन्ने थाहा भयो ।
त्यसपछि यदि यो घोडा नबढि यत्रै रहेको खण्डमा यसलाई गिनिज बुकमा दर्ता गराउने भन्ने सोचमा उनीहरु पुगे ।
र, ४ सेप्टेम्बरम त्यो दिन पनि आयो, दर्ता भएकाे छ ।