धितोपत्र बजारमा शेयर कारोबार मापक नेप्से परिसूचक मंगलवार भने सामान्य अङ्कले बढेको छ । नेपाल स्टक एक्सचेञ्जका अनुसार नेप्से परिसूचक २.४० विन्दुले बढेर एक हजार १३४.७९ विन्दुमा पुगेको छ । यस्तै, सेन्सेटिभ परिसूचक ०.५० विन्दुले बढेर २४८.४९ विन्दुमा पुगेको छ ।
कारोबार रकम सोमवारकै हाराहारीमा रहेको छ । कुल १५५ कम्पनीको ६ लाख ४५ हजार ४५३ कित्ता शेयर १६ करोड ५२ लाख ९६ हजार ५ रुपैयाँ बराबरको कारोबार भएका छन् । स्टकका अनुसार कारोबार भएका कुल ११ उपसमूहमध्ये ६ उपसमूहको शेयर बढेको छ भने ५ उपसमूहको शेयर ओरालो लागेको छ ।
बैंकिङ ४.४५, विकास बैंक १.६२, जलविद्युत् १.३७, उत्पादन ९.४५, लघुवित्त १.२७, जीवन बीमा १९.०६ विन्दुले बढेको छ । यस्तै, होटल ७.९९, वित्त ०.३, निर्जीवन बीमा १७.७१, अन्य ३.४३ र सामूहिक लगानी कोष ०.०१ विन्दुले घटेको छ । स्टकका अनुसार आज कारोबारका आधारमा नबिल बैंक शीर्ष स्थानमा रहेको छ । सो बैंकको एक करोड ३२ लाख २३ हजार ५५ रुपैयाँ बराबरको कारोबार भई शीर्ष स्थानमा रहेको छ ।
यस्तै, प्रभु बैंक एक करोड तीन लाख १५ हजार ६०३, एनआईसी एसिया बैंक ९४ लाख ६३ हजार ८४६, एभरेष्ट बैंक ८६ लाख ९८ हजार १७, एनसीसी बैंक ६१ लाख ७१ हजार ५०७, नेपाल इन्भेस्टमेन्ट बैंक ५८ लाख ६० हजार ६१८ रुपैयाँ बराबरको कारोबार भई शीर्ष स्थानमा रहेको छ ।
स्टकका अनुसार लक्ष्मी इक्विटी फण्ड ५.३०, हिमालयन डिस्टिलरी ३.९९, सूर्या लाइफ इन्स्योरेन्स ३.४६, सिद्धार्थ इन्स्योरेन्स २.९४ र विजय लघुवित्त वित्तीय संस्थाका लगानीकर्ताले २.५६ प्रतिशतले कमाए । यस्तै, एभरेष्ट बैंक लिमिटेड ४.९६, रिलायन्स फाइनान्स ४.४२, सगरमाथा इन्स्योरेन्स ४.०७, आशा लघुवित्त वित्तीय संस्था ४.०५, महिला सहयात्रा माइक्रो फाइनान्स वित्तीय संस्था ३.९६ र एक्सेल डेभलपमेन्ट बैंकका लगानीकर्ताले ३.३३ प्रतिशतले गुमाए ।
