अफगानिस्तानको उत्तरी बदाखसान प्रान्तको नासाई जिल्लामा शनिवार तालिबान विद्रोहीको आक्रमणमा कम्तीमा १२ जना मारिएका छन् । प्रान्तीय प्रशासनका प्रवक्ता निक मोहम्मद नजारीले सुरक्षा जाँच चौकीमा तालिबानले गरेको आक्रमणबाट चार जना सुरक्षाकर्मी र आठ जना लडाकु मारिएको जानकारी दिनुभयो ।
तालिबान समूहले शनिबार साँझ नासाई जिल्लाका विभिन्न भागमा सुरक्षा जाँच चौकीहरूमा आक्रमण गरेका थिए । आक्रमणपछि सुरक्षाकर्मीसँग दोहोरो गोली हानाहान भएको थियो । शनिवार अबेर रातीसम्म दुवै पक्षबीच भिडन्त भएपछि थप सुरक्षा फौज परिचालन गरिएको पनि प्रवक्ता नजारीले जानकारी दिनुभयो ।
तालिबान लडाकुहरूले पछिल्लो पटक बदाखसान प्रान्तका बार्दोज, यामगान र कुरान–वा–मुन्जान जिल्लामा नियन्त्रण गुमाएको सरकारी दाबी छ ।
