पछिल्लो साता केही उकालो लागेको सुनको मूल्यमा आज सामान्य गिरावट देखिएको छ । नेपाल सुनचाँदी व्यवसायी महासङ्घका अनुसार सोमवार स्थानीय बजारमा छापावाला सुनको मूल्य प्रति तोला २०० रुपैयाँले घटेको छ । छापावाला सुनको मूल्य प्रति तोला ७० हजार ८०० रुपैयाँ कायम भएको महासङ्घले जनाएको छ ।
सोमबार छापावाला सुन प्रति तोला ७१ हजार रुपैयाँमा खरिद बिक्री भएको थियो । यसैगरी तेजाबी सुनको मूल्य पनि प्रति तोला २०० रुपैयाँले घटेको छ । महासङ्घले तेजाबी सुनको मूल्य प्रति तोला ७० हजार ५०० रुपैयाँ निर्धारण गरेको छ । सोमबार तेजाबी सुन प्रति तोला ७० हजार ७०० रुपैयाँमा खरिद बिक्री भएको थियो ।
यसैगरी चाँदीको मुल्यमा पनि प्रति तोला ५ रुपैयाँ घटेको छ । आज स्थानीय बजारमा चाँदी प्रति तोला ८६५ रुपैयाँमा कारोबार भइरहेको महासङ्घले जनाएको छ ।
