लोकसंवाद संवाददाता | समाचार | पुस ०८, २०७६
दमक । बसले ठक्कर दिँदा झापाको दमकमा पैदलयात्री महिलाको मृत्यु भएको छ ।
मंगलबार बिहान पूर्वबाट पश्चिमतर्फ जाँदै गरेको ना ६ ख ९३४३ नम्बरको यात्रुबाहक बसले ठक्कर दिँदा अन्दाजी ४६ वर्षीया महिलाको ज्यान गएको इलाका प्रहरी कार्यालय दमकले जनाएको छ । बाटो काट्दै गरेकी ती महिलाको घटनास्थल मै मृत्यु भएको थियो ।
मंगोल वर्णकी ती मृतक महिलाको पहिचान हुन सकेको छैन । प्रहरीले दुर्घटनामा सङ्लग्न बस र चालकलाई अनुसन्धानका लागि नियन्त्रणमा लिएको दमक प्रहरी प्रमुख तथा प्रहरी नायब उपरीक्षक विजयराज पण्डितले बताउनु भयो ।