लोकसंवाद संवाददाता | समाचार | पुस १०, २०७६
काठमाडौं । सर्लाही, बरहथवा नगरपालिका–१७ कोरोरीया टोल बस्ने ४० वर्षीया राजमती देबी साहको आगलागीमा परी बुधबार दिउँसो मृत्यु भएको छ ।
आफ्नै घरको आँगनमा आगो ताप्ने क्रममा शरीरमा आगो सल्कन गई जलेर गम्भीर घाइते भएकी साहको जनकपुर अंचल अस्पतालमा उपचारको क्रममा मृत्यु भएको हो ।
यसैगरी सर्लाही,ईश्वरपुर नगरपालिका–६ बैलबासश बजारमा सोही ठाउँ बस्ने तस्बिर अंसारीको नुर आर्ट ग्ललेरी पसल र मजहर हुसेन मिकरानिको सहयोगी सर्जिकल मेडिकल पसलमा करेन्ट सर्ट भई बुधबार राति आगलागी हुँदा दुवै जनाको पसल पूर्णरुपमा जलेर करिब १६ लाख रुपैयाँ बराबरको धनमाल नष्ट भएको छ । साथै उक्त आगालगीबाट सोही ठाउँ बस्ने हकिममिया मुकेरीको घर समेत जलेर करिब ५ लाख रुपैयाँ बराबरको धनमाल नष्ट भएको छ ।
सुनसरी,ईटहरी उपमहानगरपालिका–६ हटियालाईन बस्ने सम्पत चौधरीको घरमा करेन्ट सर्ट भई बुधबार राति आगलागी हुँदा आगलागीबाट सोही घरमा रहेको रजाक खानको जुत्ता चप्पल पसल र रियाज खानको टेलर पसल समेत जलेर करिब १७ लाख रुपैयाँ बराबरको धनमाल नष्ट भएको छ ।
उदयपुर,कटारी नगरपालिका–४ गबुवा बस्ने टेक बहादुर तामाङ्को गुवाली घरमा बुधबार राति आगलागी हुँदा करिब १० लाख रुपैयाँ बराबरको धनमाल नष्ट भएको छ ।
स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।