लोकसंवाद संवाददाता | कारोबार | फागुन १४, २०७५
काठमाडौं । धितोपत्र बजारमा आज पनि सेयरको मूल्यमा गिरावट भएको छ । नेपाल स्टक एक्सचेञ्जका अनुसार कारोवार मापक नेप्से परिसूचक ७ दशमलव १७ विन्दुले घटेर एक हजार १०२ दशमलव ५६ विन्दुमा झरेको छ ।
यस्तै ठूला कम्पनीको सेयर कारोवार गर्ने सेन्सेटिभ परिसूचक एक दशमलव ५६ विन्दुले घटेर २३४ दशमलव २२ विन्दुमा पुगेको छ । स्टकका अनुसार आज कूल १६५ कम्पनीको छ लाख ५३ लाख २८ कित्ता सेयर कारोवार भए । तर, कारोवार रकम भने सोमबारको तुलनामा कम भएको छ । स्टकका अनुसार आज १६ करोड ५६ लाख ७२ हजार २५८ मूल्यमा खरीद बिक्री भए ।
कारोवार भएका दस उपसमूहमध्ये आज सबै उपसमूहको सेयर घटेको छ । बैंकिङ चार दशमलव छ, होटल २६ दशमलव ९४, विकास बैंक चार दशमलव ७२, जलविद्युत् छ दशमलव ४७, वित्त दुई दशमलव ६५, निर्जीवन बीमा ४५ दशमलव ०२, उत्पादन २१ दशमलव पाँच, अन्य सात दशमलव ७६, लघुवित्त १४ दशमलव ३३ र जीवन बीमा ३१ दशमलव २४ विन्दुले घटेको छ ।
घटेको बजारमा नेसनल हाइड्रोपावरका सेयरधनीले तीन दशमलव ३३, पूर्णिमा विकास बैंक दुई दशमलव ६७, गुर्खाज फाइनान्स लिमिटेड एक दशमलव ९८, ग्लोबल आइएमइ लघुवित्त वित्तीय संस्थाका सेयरधनीले एक दशमलव ९० प्रतिशतले कमाएका छन् ।
यस्तै जोशी हाइड्रोपावरका शेयरधनीले सात दशमलव ८५, नाडेप लघुवित्त वित्तीय संस्था तीन दशमलव ९६, हिमालयन डिस्ट्रिलरीका सेयरधनीले तीन दशमलव ९२ र स्वदेशी लघुवित्त वित्तीय संस्थाका सेयरधनीले तीन दशमलव ७७ प्रतिशतले कमाएका खबर राससमा छ ।