लोकसंवाद संवाददाता | समाचार | असार ०४, २०७७
काठमाडौँ । राष्ट्रपति विद्यादेवी भण्डारीले सङ्घीय संसद्को दुवै सदनबाट सर्वसम्मतिले पारित भएको ‘नेपालको संविधान (दोस्रो संशोधन) विधेयक २०७७’ आज २०७७ असार ४ गते बिहिबार प्रमाणीकरण गर्नुभएको छ ।
नेपालको संविधानको धारा २७४ को उपधारा १० बमोजिम प्रमाणीकरणका लागि पेश भएको विधेयक प्रमाणीकरण गरिएको राष्ट्रपति कार्यालयका प्रवक्ता हरिप्रसाद दाहालले विज्ञप्ति जारी जानकारी दिनुभएको हो ।
सो विधेयक प्रतिनिधिसभाबाट गत जेठ ३१ गते र राष्ट्रियसभाबाट पनि सर्वसम्मतिले आज ०७७ असार ४ गते बिहिबार बहुमतबाट पारित भएको थियो ।