लोकसंवाद संवाददाता | समाज | असार २३, २०७७
काठमाडौं । पाँचथर, याङवरक गाउँपालिका-४ थर्पु घर भई फिदिम नगरपालिका-१ फिदिम बजार डेरा गरी बस्ने ४९ वर्षीय टेकनाथ शिवाकोटी आफ्नै कोठाभित्र सोमबार दिउँसो मृत अवस्थामा फेला परेका छन् ।
लमजुङ, मध्यनेपाल नगरपालिका-५ सर्दी खोलास्थित खेतमा सोही नगरपालिका-४ सानो कुमालगाउँ बस्ने ६४ वर्षीय ईन्द्र बहादुर कुमाल सोमबार साँझ मृत अवस्थामा फेला परेका छन् ।
बाँके, राप्ती सोनारी गाउँपालिका-९ ढकेरी बजारमा हाल नाम, थर, वतन नखुलेका करिब ५० वर्षीय पुरुष सोमबार दिउँसो मृत अवस्थामा फेला परेका छन् ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।