लोकसंवाद संवाददाता | अपराध | असार ३०, २०७७
काठमाडौं । डडेलधुरा, आलिताल गाउँपालिका-६ फल्लीखर्क बस्ने ४६ वर्षीय लाल बहादुर कुँवरलाई घरमा लुकाई छिपाई राखेको लाईसेन्स बिनाको भरुवा बन्दुक १ थान, सोही भरुवा बन्दुकमा प्रयोग हुने बारुद दुई डिब्बा र सिसा १७ थान सहित सोमबार साँझ प्रहरीले पक्राउ गरेको छ । ईलाका प्रहरी कार्यालय जोगबुढा र प्रहरी चौकी आलितालबाट खटिएको प्रहरीले कुँवरलाई उक्त हतियार सहित पक्राउ गरेको हो ।
काभ्रे, पाँचखाल नगरपालिका-१ कोटयाङ बस्ने २८ वर्षीय सन्त बहादुर तामाङलाई भरुवा बन्दुक १ थान सहित सोमबार साँझ प्रहरीले पक्राउ गरेको छ । जिल्ला प्रहरी कार्यालय काभ्रे र प्रहरी चौकी पाँचखालबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।