लोकसंवाद संवाददाता | कारोबार | असार ३१, २०७७
काठमाडौं । सुनको मूल्य अहिलेसम्मकै सर्वाधिक पुगेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला ६०० रुपैयाँ बढेर ९२ हजार आठ सय रुपैयाँ तोकिएको छ, जुन अहिलेसम्मकै सर्वाधिक हो।
यसअघि गत बिहीबार तोकिएको सुनको मूल्य सर्वाधिक थियो। उक्त दिन छापावाल सुन प्रतितोला ९२ हजार चार सय रुपैयाँ तोकिएको थियो। यस्तै, तेजाबी सुन प्रतितोला ९२ हजार तीन सय ६० रुपैयाँ कायम भएको छ।
चाँदीको मूल्य पनि प्रतितोला हजार नाघेको छ। सुनचाँदी व्यवसायी महासंघका अनुसार चाँदी प्रतितोला एक हजार पाँच रुपैयाँमा कारोवार भइरहेको छ।