लोकसंवाद संवाददाता | समाज | साउन ०४, २०७७
काठमाडौं । काठमाडौं महानगरपालिका-८ जयबागेश्वरी कैलाशकुट बहुमुखी क्याम्पसको कोठामा सोही क्याम्पसको सेक्युरीटी गार्ड सुनसरी ईटहरी घर भएका ६४ वर्षीय बलराम पुरी शनिबार बिहान मृत अवस्थामा फेला परेका छन् ।
नुवाकोट, दुप्चेश्वर गाउँपालिका-७ शिखर बेशीस्थित महाबिर खोलामा ढुङ्गाको कापामा तादी गाउँपालिका-२ चिलाउने बस्ने ६० वर्षीय काजिमान तामाङ शनिबार साँझ मृत अवस्थामा फेला परेका छन् । असार ३१ गते घरबाट हिँडेकोमा आफन्तले खोज्दै जाने क्रममा उनको शव फेला पारेको हो ।
सिरहा, धनगढीमाई नगरपालिका-७ फुलकाहाकट्टीस्थित बारीमा सोही ठाउँ बस्ने २० वर्षीया अम्बिका महतो आइतबार बिहान मृत अवस्थामा फेला परेकी छिन् ।
यस सम्बन्धमा स्थानीय प्रहरीले थप अनुसन्धान गरिरहेको छ ।