लोकसंवाद संवाददाता | समाचार | साउन ०५, २०७७
काठमाडौं । ईनर व्हील क्लब अफ कीर्तिपुरको दोश्रो ईंस्टलेसन कार्यक्रम एक समारोहकाबीच पर्फेक्ट फुडलैड रविभवनमा सम्पन्न भएको छ । शनिवारका दिन साउन ३ गते सम्पन्न भएको उक्त कार्यक्रममा प्रमुख अतिथि डिस्ट्रिक्ट चेयरम्यान आइ डब्लु सर्जित पालिखे, गेस्ट अफ अनर पास्ट डिस्ट्रिक्ट नेशनल रिप्रेजेन्टेटिभ कमल प्रभा खरेल लगायत प्रि स्कूल कमिटिका प्रेसिडेन्ट श्रीमती सभ्यता खड्का स्वाँर तथा फाउण्डर मेम्बरहरु, डिस्ट्रिक्ट सेक्रेटरी आइ डब्लु ज्ञानु श्रेष्ठ तथा ईनर व्हील क्लब अफ कीर्तिपुरका जन्मदाता इमिडिएट पास्ट प्रेसिडेन्ट आइ डब्लु राज्य लक्ष्मी बैदार लगायत सम्पूर्ण इनर व्हील सदस्यहरुको उपस्थिति रहेको थियो ।
उक्त कार्यक्रममा सन् २०२०/२१ को नयाँ प्रेसिडेन्ट आइ डब्लु निता श्रेष्ठलाइ पद हस्तान्तरण तथा बधाई ज्ञापन समेत गरिएको थियो । नयाँ प्रेसिडेन्ट आइ डब्लु निता श्रेष्ठले आफ्नाे कार्यकालमा आफूले गर्ने कार्यक्रमकाे विवरण समेत प्रस्तुत गर्नु भएकाे थियाे ।
स्मरण रहोस ईनर व्हील नारी सशक्तिकरण सम्बन्धि काम गर्ने संसारको सबै भन्दा ठूलो सामाजिक संस्था हो ।