लोकसंवाद संवाददाता | खेलकुद | भदौ १२, २०७७
इंग्लिस क्लब चेल्सीले ब्राजिलियन डिफेन्डर थियागो सिल्भालाई अनुबन्ध गरेको छ । चेल्सीले थियागोलाई फ्रि ट्रान्सफरमा एक वर्षका लागि अनुबन्ध गरेको हो ।
चेल्सीले उनलाई थप एक वर्ष अनुबन्ध थप गर्ने विकल्पसहित अनुबन्ध गरेको हो ।
चेल्सीसँग सम्झौता गरेपछि सिल्भाले फ्रान्क लाम्पार्डको टिमको एक हिस्सा हुन पाउँदा आफू खुशी भएको प्रतिक्रिया दिए ।
सिल्भाले च्याम्पियन्स लिग सकिएसँगै फ्रेन्च क्लब पेरिस सेन्ट जर्मेन (पीएसजी) छाडेका थिए । गत आइतबार भएको फाइनलमा बायर्न म्युनिखसँग पीएसजी १–० ले पराजित भएको थियो ।
सन् २०१२ मा एसी मिलानबाट पीएसजी पुगेका थियागोले ८ वर्षमा ७ पटक फ्रेन्च लिग वानको उपाधि जितेका थिए ।