लोकसंवाद संवाददाता | समाचार | भदौ २०, २०७७
पछिल्लो २४ घन्टामा देशभर १ हजार ४१ जनामा कोरोना भाइरस संक्रमण पुष्टि भएको छ । कोरोना पुष्टि भएकामध्ये काठमाडौं उपत्यकामा ४०८ जना रहेका छन् ।
स्वास्थ्य तथा जनसंख्या मन्त्रालयका अनुसार काठमाडौंमा ३२६ जना, ललितपुरमा ३७ जना र भक्तपुरमा ४५ जनामा संक्रमण पुष्टि भएको छ ।
योसँगै नेपालमा कोरोना संक्रमितको संख्या ४५ हजार २ सय ७७ जना पुगेको छ । पछिल्लो २४ घन्टमा १ हजार ५ सय ६६ जना डिस्चार्ज भएका छन् ।
हालसम्म नेपालाम २७ हजार १ सय २७ जना कोेरोना संक्रमित डिस्चार्ज भएका छन् भने १ सय ६७ जना आइसियुमा उपचाररत छन् । यस्तै भेन्टिलेटरमा २४ जनाको उपचार भइरहेको छ ।
पछिल्लो २४ घन्टामा ९ जना कोरोना संक्रमितको मृत्यु भएको छ ।