लोकसंवाद संवाददाता | समाचार | भदौ २१, २०७७
भोजपुर । भारी बर्षाका कारण पहिरो गई अरुद्ध हुन गएको ग्रामीण कृषिसडकको अवरोध हटाइएको छ । समाजसेवी भक्त राईको सहयोगमा अरुण गाउँपालिका–७, खाल्ले, भञ्ज्याङको आइतबारे खोला नजिक अबरुद्ध सडक डोजर लगाएर हटाइएको हो ।
'साउनमा परेको अविरल बर्षाका कारण आइतबारे खोला छेउको भीरमा पहिरो गई ७ र ५ नम्बर वडा जोड्ने सडक अबरुद्ध भएको थियो । बजेट अभावका कारण वडा र पालिकाबाट समेत उक्त सडकको मर्मतर हुन सकेको थिएन तर समाजसेवी भक्त राईको सहयोगमा आजदेखि अवरोध हटेर सडक सुचारु भएको छ ।' स्थानीय बुद्धिजीवी डिल्ली राईले जानकारी दिनु भएकाे छ ।
सडकको अवरोध हटेसँगै गाउँघरमा अति आवश्यक सामान ढुवानी सहज भएको स्थानीय सामाजिक अभियन्ता कुमार थापाले बताउनु भयो ।
तिलक थापा भोजुरेबाट